Huawei ១០,៨អ៊ីញ គូប្រឆាំង iPad Pro អាចសាកថ្មទូរស័ព្ទអ្នក ដោយឥតខ្សែ
មេតផែតប៉្រូគឺជាបន្ទះក្តារដែលមានទំហំអេក្រង់ ១០,៨អ៊ីញ មានទម្ងន់ ៤៦០ក្រាម មានទំហំ ស្រដៀង អាយផែតប៉្រូដែរ។ វាមានពណ៌ខៀវចាស់ ស បៃតងចាស់ និងទឹកក្រូច។
មេតផែតប៉្រូមានទាំងដាក់ស៊ីម និងបណ្តាញឥតខ្សែ WiFi មានរន្ធកាមេរ៉ាមុខ ទំហំ ៨មេហ្កាភិចសែល និងកាមេរ៉ាក្រោយ ១៤មេហ្កាភិចសែល។
វាមានថ្មទំហំ ៧.២៥០មីលីអាំពែរ អាចសាកថ្មបានលឿន រហូតដល់ទៅ ៤០វ៉ាត់ ហើយសាក ឥតខ្សែរហូតដល់ទៅ ២៧វ៉ាត់។ វាអាចជាឆ្នាំងសាកឥតខ្សែ សម្រាប់ទូរស័ព្ទអ្នក រហូតដល់ទៅ ៧,៥វ៉ាត់ ផងដែរ។
មេតផែតប៉្រូ នឹងមានតម្លៃចាប់ពី ៥៩៤ដុល្លា សម្រាប់ប្រព័ន្ធឥតខ្សែ មានអង្គចងចាំ ៦GB RAM និងផ្ទុកបាន 128GB។ ចំពោះតម្លៃ ៨១០ដុល្លាវិញ មានអង្គចងចាំ ៨GB RAM និងផ្ទុកបាន 256GB។
សូមមើលរូបភាពខាងក្រោម។
