ជម្លោះកើតឡើង ដោយសារបុរសម្នាក់ក្អក ក្នុងរថភ្លើងខ្សែ យ៉ាម៉ាណុតិ នៅតូក្យូ
ថ្ងៃនេះ ជម្លោះដោយខឹងគ្នាបានកើតឡើង ដោយសារតែបុរសម្នាក់បានក្អក ក្នុងរថភ្លើងខ្សែ យ៉ាម៉ាណុតិ នៅតូក្យូ។ ភាពតានតឹងបានឈានដល់ការផ្ទុះកំហឹងដាក់ បុរសម្នាក់ដែលបានក្អក់ដោយមិនពាក់ម៉ាស។
វីដេអូមួយនៃសកម្មភាពឈ្លោះនេះ ត្រូវបានបង្ហោះលើ ធ្វីតថ័រ គណនី @__Aerials។ គាត់បានរៀបរាប់ថា ក្រោយពេលបុរសម្នាក់នោះក្អកមក បុរសវ័យចំណាស់ម្នាក់បានបាត់បង់ ការអត់ធ្មត់ ហើយក៏ស្រែគំហកដាក់បុរសនោះ ដោយនិយាយថា ឈប់ធ្វើអញ្ចឹងទៀតទៅ។ បុរសចំណាស់នោះ ងើបចុះឡើងៗ ហើយនិយាយទៅកាន់បុរសនោះទៀត។
ក្នុងករណីនេះ ក៏មាននារី ២នាក់ ដែលអង្គុយនៅក្បែរក៏ ងើបទៅសម្របសម្រួល។ ហើយវីដេអូនេះ ក៏បានបញ្ចប់ទៅ។
ក្រោមទស្សនាវីដេអូនេះរួច មានអ្នកផ្តល់មតិជាច្រើនលើករណីនេះ។ អ្នកខ្លះថា តាចាស់នោះឡើងសម្ពាធឈាមហើយមើលទៅ។ អ្នកខ្លះថា ស្អប់អ្នកក្អកលើរថភ្លើងណាស់។ ហេតុអីក៏មិនសុំទោសគេទៅ? ពេកក្អកគួរតែបិទមាត់។ បើម៉ាសវាលក់អស់ហើយ មិនអាចទិញបាន ទោះបីជាចង់ពាក់ ក៏គ្មានដែរ ។ល។
