ជប៉ុនត្រៀមកញ្ចប់ថវិកា ៣០ លានលាន យ៉េន ប្រឆាំងជម្ងឺឆ្លងរាតត្បាត
តូក្យូ - តាមប្រភពសារព័ត៌មានក្យូដូ បានអោយដឹងថា រដ្ឋាភិបាលជប៉ុន និងបក្សចំរុះកំពុង ពិចារណាលើ កញ្ចប់សេដ្ឋកិច្ចអាសន្នគិតជាទឹកប្រាក់ចំនួន ៣០ លានលាន យ៉េន (30,000,000,000,000 យ៉េន) ដើម្បីទប់ស្កាត់ការរីករាលដាលនៃជម្ងឺឆ្លង ជាពិសេស មេរោគកូរ៉ូណា។
គម្រោងថវិកាសរុបនេះនឹងត្រូវចំណាយល់វិស័យឯកជន វិស័យរដ្ឋ និងវិវបត្តិសេដ្ឋកិច្ចនាឆ្នាំមុនៗ ផងដែរ។ ប្រភពបន្តទៀតថា កញ្ចប់នេះរួមមានការផ្តល់ជាលុយសុទ្ធ និងប័ណ្ណអំណោយ ដល់សាធារណជន រួមទាំងផ្តល់ប្រាក់ឧបត្ថម្ភសំរាប់ការចំណាយធ្វើដំណើរ។ កញ្ចប់លុយនេះនឹង អាចសម្រួលហិរញ្ញបទានដល់អាជីវកម្មខ្នាតតូច និងមធ្យម អោយនៅបន្តប្រត្តិបត្តិការ និងរក្សាការងារផងដែរ។
រដ្ឋាភិបាល និងបក្សចំរុះចង់បញ្ចុះអាត្រាពន្ធពី ១០% មកត្រឹម ៥% ប៉ុន្តែថាវាអាចប៉ះពាល់ដល់ ចំណាយរបបសន្តិសុខសង្គម ដោយអាត្រាមនុស្សចាស់ក៏កាន់តែកើនឡើង ។ ភាគីទាំងពីរនឹងចាប់ផ្តើមចរចារបន្ថែមទៀត បន្ទាប់ពីគំរោងថវិកាឆ្នាំ ២០២០ ត្រូវសភាអនុមតិចុងខែមីនានេះ។
