ក្រុមហ៊ុន TSMC តៃវ៉ាន់ នឹងបើករោងចក្របន្ទះសៀគ្វី នៅខេត្ត គុម៉ាម៉ូតុ ជប៉ុន នៅខែ កុម្ភៈ
តៃប៉ិ ー ប្រធានក្រុមហ៊ុនផលិតគ្រឿងអេឡិចត្រូនិកតៃវ៉ាន់ Taiwan Semiconductor Manufacturing Company (TSMC) បាននិយាយ កាលពីថ្ងៃព្រហស្បតិ៍ថា ក្រុមហ៊ុននឹងបើកជាផ្លូវការ នូវរោងចក្រផលិតបន្ទះសៀគ្វីថ្មី របស់ខ្លួន នៅក្នុងខេត្ត គុម៉ាម៉ូតុ នៅថ្ងៃទី២៤ ខែកុម្ភៈ ដែលជាផ្នែក នៃផែនការរបស់ខ្លួន ក្នុងការពង្រីកការផលិត ជាសកលរបស់ខ្លួន។
TSMC ដែលអតិថិជនរួមមាន Apple និង Nvidia នោះ គ្រប់គ្រងច្រើនជាងពាក់កណ្តាល នៃទិន្នផល នៃបន្ទះក្រដាសស៊ីលីកុន របស់ពិភពលោក ដែលប្រើក្នុងអ្វីគ្រប់យ៉ាង ចាប់ពីស្មាតហ្វូន រហូតដល់រថយន្ត រហូតដល់កាំជ្រួច ជាដើម។
ដោយក្នុងប៉ុន្មានឆ្នាំថ្មីៗនេះ ក្រុមហ៊ុនត្រូវស្វែងរកទិសដៅ ដើម្បីបញ្ជៀសអំពី ជម្លោះភូមិសាស្ត្រនយោបាយ រវាងសហរដ្ឋអាមេរិក និងចិន ដោយសារប្រទេសទាំងពីរ បានប្រឈមមុខដាក់គ្នា ជាមួយនឹងបញ្ហា ជាច្រើន រួមទាំងការនាំចូលបច្ចេកវិទ្យា ពាណិជ្ជកម្ម និងតៃវ៉ាន់ ផងដែរ ដែលជាមូលដ្ឋាន ផលិតកម្មចម្បងរបស់ TSMC ។
